Plantun de Prouvènço

Pèr coumpara dos planto d'encò nostre

Avenella flexuosa & Fraxinus excelsior

Avenella flexuosa

Poaceae Graminaceae

Noms en français : Canche flexueuse, Canche des montagnes.

Descripcioun :
La coutelino-amarinouso trachis au nostre dins li relarg séusous e pulèu umide, adounc subretout en mountagno. Es uno planto renadivo, en mato, que fai de grando e prìmi paumo de pichòtis espigueto de dos flour aristado. D'efèt, coume pèr li civado , la lemma porto, à sa baso, uno arèsto. La lengueto fai aperaqui 2 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Avenella
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 5-12 cm
Flourido : Printèms - Estiéu

Sòu : Si
Autour basso e auto : 0
Aparado : Noun
Mai à avoust

Liò : Fourèst - Pelouso - Champino - Terraire safrous
Estànci : Subremediterran à Aupen
Couroulougi : Subrecousmoupoulito
Ref. sc. : Avenella flexuosa (L.) Drejer, 1838 (= Deschampsia flexuosa (L.) Trin., 1836 )

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).